太玄书阁　>　张爱玲　>　六月新娘　|　上页　下页

一〇二

第三十一场 　　景：姻缘道 　　时：夜 　　人：佩、焕、清、曼 　　D.I. 　　（二对情人，默默并行，曼、佩挽臂居中，清、焕在旁。） 　　佩：（突然）我谂到一个办法啦。 　　（四颗头凑在一起听她说。） 　　F.O. 　　第三十二场 　　景：张家客室 　　时：日 　　人：张、张太、佩 　　F.I. 　　（张夫妇同坐，张看报。 　　（佩在房中探头出看张夫妇动静。佩略思后取一空皮箱故作神秘地偷偷出。 　　（佩偷偷由张夫妇身后过，故意给张看见。） 　　张：阿佩！你揸住只皮喼去边处呀？ 　　佩：唔去边处呀！阿哥话执行李唔够皮喼用同我借一个啫嘛！（说完作失言状掩嘴） 　　张太：你阿哥执行李？ 　　张：佢为乜事要执行李呀？ 　　佩：（吞吞吐吐）唔系呀！唔……唔系执行李，佢同我借只皮喼去挤……挤书……啫嘛！ 　　张：阿清会同你借皮喼挤书？分明讲大话，快啲讲俾我知阿清为乜事要执行李。 　　佩：我……我唔知呀，净系知道佢执行李啫，唔……唔知佢为乜事呢？ 　　张：我睇你地两个梗有古怪嘅，你一定有嘢瞒住唔话俾我听！ 　　张太：系咯。 　　佩：冇嘢呀，阿哥今朝去银行提晒啲存款出嚟……（又作失言状）唔，唔，咁就同我借皮喼，冇事呀！（匆匆欲走） 　　张：阿佩，唔好行住。 　　（佩停住步。） 　　张：你阿哥为乜事要提晒存款出嚟？ 　　佩：佢想同李曼玲私奔啫嘛！……（急掩嘴） 　　（张夫妇大惊。） 　　张太：私奔？！ 　　佩：唔系呀，唔系呀，我讲错咗，冇件咁嘅事，冇，冇。 　　张：虾，你个衰女仲帮佢瞒住我地系吗？ 　　佩：唔……唔系呀！ 　　张：（大声）仲话唔系！ 　　（张太太拉佩至一边。） 　　张太：阿佩，你乖乖地话俾阿妈知啦，阿清系唔系真系想私奔啫？（佩迟疑。） 　　张太：讲啦。（逼佩） 　　佩：嗱，你千祈唔好话我讲吓。 　　张太：我唔话，我唔话。 　　（张紧张地望佩。 　　（佩点点头。） 　　张太：（大惊）死咯，阿清真系想私奔，咁点搞呀？ 　　张：叫佢出来，等我教训吓佢至得。 　　佩：千祈唔好呀，阿哥知道系我讲俾你地知，怨死我呀！ 　　张太：系咯，事到如今发脾气都冇用，如果叫阿清出嚟讲穿咗仲好。 　　张：又系噃。（思对策） 　　（佩暗暗偷笑。） 　　张太：（哭说）死咯！如果搞出事，俾啲亲戚知道笑大人个口咯。（向张）一日都系你，边度摆酒唔好呀，而家搞成咁，点算呢？ 　　张：你唔好嘈，我响处想紧办法！ 　　D.O. 　　第三十三场 　　景：李家客厅 　　时：日 　　人：李、李太、焕、女佣、张 　　D.I. 　　（焕在穿堂向客厅偷偷张望。 　　（李正由房出，找水灌树。 　　（焕知时机已到，即取起电话听筒，空拨几个号码。） 　　焕：（故意大声打电话）喂！是张家吗？请张清文听电话…… 　　（李闻声觉奇，走向门边。） 　　焕：……喂，清文吗？你等一等，我看看有没有人，不要让旁人听见…… 　　（李正欲走出门口，闻言急躲在门边偷听。 　　（李的动作全为焕看见，知计已成。） 　　焕：……清文，没有人，你说好啦……唔……唔…… 　　（李太太出，见李怪状，上前欲问，李止李太太出声，并以手势示李太太，二人一起偷听。） 　　焕：……船票你已经买好了？……钱够不够用？……够几个月用？那就好啦！……唔……你说…… 　　（李夫妇紧张。） 　　焕：晚上八点钟叫曼玲在大门口等你，你接她到码头去……好……我告诉她……你放心好了，没有人听见……再见！ 　　（焕挂断电话。） 　　李太：不好了，四宝你听见没有？ 　　李：好小子，打算拐走我的女儿！我去报差馆。 　　（转身出门与焕撞个满怀。） 　　焕：爸爸！你干什么？ 　　李：干什么？问你呀，你知道张清文这小子要跟曼玲私奔，你非但不告诉我，还帮着他们…… 　　焕：没有呀！ 　　李：还说没有！ 　　李太：你刚才打的电话，我跟你爸爸全听见啦。 　　焕：（故作失惊状）糟了！ 　　李：我现在去报差馆拉那个张清文小子！ 　　焕：（急拦住李）爸爸！你先别着急，这……这…… 　　李太：对了，不能急，闹出去我们的名声也不好听。 　　李：（大声）曼玲呢？快去看着她，别叫她跑了！ 　　李太：咳，这孩子，（哭）这要是叫人知道了还得了！ 　　（门铃响。女佣入。） 　　女佣：张先生的爸爸来了。 　　（众一怔。） 　　李：好，来得正好，我正要找他说话！ 　　焕：爸爸，这不是发脾气的时候，得另想办法。 　　李：（略思）我有办法，你们都走开，瞧我的。（向女佣）开门让他进来！ 　　（女佣出。） 　　焕：（打量了李一下拉李太太）妈——（引李太太同入内室） 　　（张入，呵腰含笑。李鞠躬笑迎。） 　　李：嗳，张大哥，请坐，请坐。 　　张：李老哥，嗰日嘅事我番去谂吓系我唔啱，所以今日特登嚟向你道歉，请你多多原谅。 　　李：哪里！哪里！都是我不好，正要来给你道歉！ 　　张：李老哥你太客气啦。 　　李：（低声凑近）那天都是我太太…… 　　张：女人个个都系咁嘅咯，心胸窄，嗰日我亦系因为我太太！ 　　李：那我们是同病相怜了。 　　张：系咯，一日都系我太太，佢话一定要响自己铺头摆酒！其实我冇所谓嘅。 　　李：那好极了，那么这回你偏不听她的话在我那儿摆，这样可以给你太太一个教训。 　　张：唔……呢个办法好就几好，不过咁做法岂不是长咗你位太太嘅威风？咁你第日就更加管佢唔掂嘅啦！ 　　李：（强笑）嗳，我倒没有想到这一点。 　　张：我有个折衷嘅办法，你睇咁好唔好？（耳语） 　　李：（喜拍张肩）亏你想得出，张大哥，真有你的！ 　　F.O.

太玄书阁(xuge.org)

上一页 回目录 回首页 下一页